Dahabshiil Group, Ayaa Baaq Nabaddeed U Dirtay Beelaha Walaalaha Ah Ee Habar-jeclo Iyo Dhulbahante, Kunna Dagaalamay Degmadda Buuhoodle Ee Gobolka Togdheer.

Dahabshiil Group Oo Qoraal Kooban Oo Ay Soo Saartay, Siddan Ku Tidhi "Shirkadda Dahabshiil waxay ugu baaqaysaa labada dhinac ee walaalaha ah, ee is dhalay, xidid iyo xigaal ah, isla markaasna ku nool goobo aan kala fogayn ku nool (Buuhoodle iyo Qoru-lugud iwm) in ay xabadda iyo Dagaalka joojiyaan labada dhinac-ba si degdeg ah.

Xabad wiil iyo gabadhi toona  kuma dhashaan ee way ku dhintaan.

Dhammaan qof walba oo xil haya dhamaan cidii masuuliyad haysa oo ay  ku jiraan kuwa xilka dhaqan, Ganacsatadda iyo culumo, waxaannu si xushmad iyo damqasho leh uga  codsanaynaa in laga shaqeeyo nabadda oo ay doorkooda qaataan"